Alltaf jafn skrítið að vakna upp á nýju heimili. Nokkur sekúndubrot líða...hugurinn skýrist, og flutningar gærdagsins rifjast upp. Flutt! Allt í rúst ennþá, en í dag verður tekinn skurkur og vonandi verður allt orðið Ásdísarlegt í kvöld. Líst heavy vel á þetta, og er búin að lofa ótal kaffiboðum og heimsóknum, og teitlum sem best er að fara efna til sem fyrst.

Annars átti ég heldur ævintýralega helgi í Þórsmörk um helgina. Hinn nýstofnaði klúbbur, Fjallaklúbburinn Sigga, ákvað að leggja land undir fót og takast á hendur göngu yfir Fimmvörðuháls, svokallaða Jónsmessunæturgöngu...well, þetta fór e.t.v ekki alveg eins og við ætluðum. Við fengum nefnilega aaaaaaaafleitt veður, stormviðvörun á hálsinum og allt í hönk. Útivistarfólkið fór því með okkur í plan B, sem var 6 klst ganga, nb. 18 km, í argasta óveðri og bara rugli! Þetta var í senn það ömurlegasta og frábærasta sem ég hef gert..erfitt að útskýra það, enda oft þunnar línur á milli andstæðra tilfinninga, en um leið og maður stóð þarna í 45° halla vegna vinds, uppá Morrisheiði, pissblautur og kaldur, og hélt að maður væri að eiga sitt síðasta moment, það voru þetta svona u.þ.b spaugilegustu aðstæður ever. Rúmlega hundrað manns komin uppá reginfjöll í aftakaveðri og sveifluðust þarna um í rokinu eins og strá, holdvot og þvæld....af fúsum og frjálsum vilja. Fjallaklúbburinn fékk blessunarlega á úrslitastundu inní skála, og slapp því við yfirvofandi lungnabólgu og tilheyrandi. Á laugardagskvöldinu borðuðu síðan allir saman, lambakjöt með þremur mismunandi tegundum af mæjonesi, og það var öldungis fínt. F.Sigga gerði síðan góða hluti um kvöldið í hópsöng og almennum skemmtilegheitum. Fjallaklúbbnum Siggu, þ.e. Fanneyju, Línu, Erlu og Helgu, þakka ég fyrir frábæran túr. Leggjabrótur næst?!! :D

Vek athygli á nýja myndablogginu sem er hér til hliðar undir 'Gott'! So far bara myndir úr vinnunni en ég lofa því að þetta verður síkryddaðari síða eftir því sem líður á sumarið.....

Ég er skelfilega fegin að þessi mánudagslegi dagur er föstudagur. Ætla reyndar að vinna á morgun...but still. Á morgun eru síðan nokkrar útskriftarveislur á kantinum. Á meðal þess eðalfólks sem fagnar á morgun er Fanney sem er að útskrifast úr líffræði, Harpa Hrönn úr mannfræði, Erla T úr stjórnmálafræði, Brynni úr verkfræði/tölvunarfræði og Bryndís úr viðskiptafræði. Trúi varla að það sé ár síðan ég sat í Laugardalshöllinni í fjóra tíma, sælla minninga.

Mojito!!!!!!! Það er mojitokvöld í Pétri í kvöld. Enda tilefni til að fagna, Fannsan komin með vinnu...og Ásdís Rósa að fá íbúð...það er sumar...uuu sautjándi júní á morgun..semsagt vandalítið að finna eitthvert tilefni til ;o) Deginum fram að því ætla ég hinsvegar að verja í það að hringja í FÍH og anda í símann. Komst ekki inn :(

Átti annars frábæra kvöldstund í gær með Línunni, enda ekki amalegt að heimsækja þessa húsmóðurlegu stúlku heim. Eðalkaffi og misfalleg, en gómsæt baguette og m.a.s. kjúklingaréttur á kantinum. Jaherna her. Verð líklega í beintengningu við Fanneyju og Línu þegar ég flyt, held nefnilega að þær lumi á svona snilldar singleton-uppskriftum og almennum skemmtilegheitum. Búha!

Það er grámyglulegur mánudagur, klukkan að detta í sex, og ég er ennþá í vinnunni..sigh. En þetta er hinsvegar ekki slæmur dagur, þvert á móti. Átti alveg fantafína helgi með snillingunum úr gæðadeildinni. Við komumst reyndar ekki uppá jökulinn eins og ætlunin var vegna veðurs, en fengum brilliant Breiðafjarðarsiglingu í staðinn. Þetta var alveg magnað, Baldur(skipið)kemst alveg upp að eyjunum, þannig að maður gat hreinlega talið egg í hreiðrum. Sáum m.a.s arnarpar og hreiðrið þeirra. Hversu skemmtilegt?! Og gamli bæjarkjarninn í Stykkishólmi við höfnina er alveg fanta fallegur. Eyddum kvöldinum á Arnarstapa, þar sem við grilluðum, hertókum veitingaskálann og héldum þannig partý að það var hangið úr loftbitunum. Grínlaust. Skellti örþreytt í Deiglupistil.

Annars er ég búin að fá lyklana að Hæðarselinu, og býst við að flytja inn í vikunni!!!:) Vei.

Vá hvað ég smakkaði góðan mat í gær. Frá og með deginum í dag er Austur-Indía félagið uppáhaldsveitingastaðurinn minn. Smakkaði nokkra alveg brjálæðislega góða rétti í gær, og sér í lagi einn...sem var bara upplifun, aðalréttur nr. 1 á matseðlinum. Fórum saman hópur úr vinnunni að kveðja Kristínu sem er að yfirgefa okkur, kíktum á tvö, þrjú öldurhús eftir matinn og það var bra. Fór afskaplega seint að sofa...og ástandið, ja eða afköstin öllu heldur, eftir því í dag. Hinsvegar er dugur í mannskapnum hér í Actavis í Skútuvogi, enda stefnum við á Snæfellsjökul á morgun...við Elísabet erum síðan með stefnu um að húkka okkur far að Hótel Búðum annað kvöld, en þar ku vera stemmning. Góða helgi!

Ó svo skemmtileg helgi liðin. Fór í alveg ferlega skemmtilegt boð til Ástu Sóllilju hdl. á föstudagkveldið, sem endaði með fínasta fjöri downtown. Á laugardaginn var síðan brunað á Þingvelli..við drottningarnar Fanney og Erla byrgðum okkur upp af mat og drykk, og höfðum það hrikalega gott. Grilluðum, spiluðum, kjöftuðum, sungum og tókum áskorunum. Og svo fórum við á spíttbát....hversu skemmtilegt var það? Algjör snilld á sumarkvöldi. Góður dagur.

Það er að renna upp fyrir mér að það er á stundum nett vesen að eiga bíl...skoðanir, dekkjaskiptingar, smurning og læti! En ég elska Silfrið, það er óbreytt, ég er bara að sjóast í bransanum. Foreldrarnir komu heim frá Spáni í gær og glöddu dótturina með örlitlu smáhæti. Talandi um orðið smáhæti, þá er það orð sem mér hefur verið tamt síðan ég var lítil, kemur frá mömmu. Ég nota það yfir eitthvað lítið hætishót, oftast gjöf...en fólk hváir reglulega yfir þessu orði og þykist aldrei hafa heyrt það. Erum við Erna á villigötum? Við systkinin ætlum að elda (bwhahaha) fyrir foreldra okkar í kvöld á Sólvallagötunni til heiðurs Þórði sextugum og bresta e.t.v í einn afmælissöng eða svo. Gaman að því. Annars er dísan bara að fara að setja sig í þær stellingar að flytja að heiman...og nú verður ekki aftur snúið.

Jæja langt síðan síðast. Pixies tónleikarnir voru geðveikir. Hrikalega gaman. Annars hefur bara verið í nógu að snúast á þessum bæ, í leik og starfi og lítur ekki út fyrir neina lognmollu á næstunni. Sem er gott. Því sumarið er tíminn...sem mér líður best..(bubbi)