Stelpurnar eru í þann mund að leggja í hann til Belgrad. Með útprentaðan leiðarvísir og nýtt kort verður semsagt lagt af stað upp úr hádegi. Get alveg óhikað sagt að viðbrögð við sögum af ferðalagi okkar systra hafi aðeins hreyft við mér, en bílaleigugaurinn tjáði okkur til dæmis að bíllinn okkar væri örugglega skotheldur og bað okkur að koma heim í heilu lagi....eeeee.....einhvern veginn hefur sakleysislegi Íslendingurinn sem aldrei hefur séð byssu ekki húmor fyrir þessu.

Við Katla höfum afráðið að það sitji bara enn í fólki óhugur frá óróatímum...hehemm kannski svona svipað og með Breiðholtið sem enn hefur ekki beðið þess bætur að hafa á sínum tíma alið nokkra vandræðaunglinga....eee. Same shit?

Lífið er gott

Það hefur kólnað örlítið í Búdapest, og maður farin að geta einbeitt sér að öðru en að draga andann og setja vökva ofan í sig. Katla stóðst prófið sitt með glæsibrag og hún kom valhoppandi heim og vakti mig með kampavíni. Kampavín í morgunmat er frekar næs byrjun á degi í fríi. Við lögðum síðan, eins fáklæddar og við þorðum af stað í bæinn og ákváðum að versla bara í loftkældum búðum. Ég var algjörlega búin að gleyma hvað er fáránlega ódýrt að lifa hérna, og ekki alveg jafnkát að sjá bolina sem ég keypti í H&M í Kaupmannahöfn, helmingi ódýrari í H&M búðinni hér. Jeij fyrir mér!

Í gær gerði ég kaup, sem ég get óhikað sagt að hafi verið bestu kaup sem ég hef gert um ævina. Stelpurnar fjárfestu í viftu! Það er óhætt að segja að andrúmsloftið hafi verið spennuþrungið meðan við bogruðum yfir dýrgripnum og rýndum í leiðbeiningar um hvernig skyldi skrúfa hana saman meðan svitinn bókstaflega dropaði af okkur. Momentið sem hún hrökk í gang mun ég grínlaust tengja björtu ljósi og englasöng. Þvílík gersemi. Bestu kaupin í heiminum. Þetta fer í kategoríuna 'daginn sem kók bjargaði lífi mínu'(sem ég held reyndar að allir hljóti að eiga).

Við borðuðum síðan dýrlega máltíð undir beru lofti, drukkum hvítvín og skáluðum milljón sinnum fyrir viftunni. Cheers to the fu**ing fan!!!!!
Þá var haldið á úti-skemmtistað sem er by far það skemmtilegasta skemmtistaðaform sem ég hef kynnst. Allt undir beru lofti, barir og dansgólf, og allir í tjúllaðri stemmningu- undir beru. Fyrri staðurinn sem við fórum á var svona cross between 22 og Þjóðhátíð (hversu skemmtilegt!!), og seinni staðurinn svona cross á Óliver og Þjóðhátíð. Grííííííðarleg stemmning.
Í dag vorum við að vinna í tan-inu í sundlaugagarði á Margret Island sem stendur út í miðri Dóná, ekki dónalegt það. Shit hvað ég er fyndin. Nú er hinsvegar tími til að taka power nap fyrir kvöldið. Yfir og inn.

...lord hvað er heitt hérna í Búdapest! Lenti hér fyrr í kvöld og labbaði á vegg þegar ég steig út úr flugvélinni. Við komuna beið mín úrvinda prófageðveik Katla með indverskan mat á borðum. Núna er hún sest aftur við lestur, enda síðasta prófið hennar ekki fyrr en í fyrramálið. Sitjum því í sitt hvoru rýminu og svitnum í takt. Þegar hefur verið ákveðið að fara í viftukaup á morgun til að auka líkurnar á víkingarnir nái að festa svefn. Leigubílstjórinn hló hátt þegar ég sagðist vera frá Íslandi og það hefðu verið ca 13°C þegar ég fór þaðan, og tilkynnti mér að á morgun ætti að vera 36°C stiga hiti. Jeij.

Yfir og út í bili. Ætla að fara einbeita mér hvítvíninu og að því að svitna.

Reporting from sunny Copenhagen.

Kaupmannahöfn er sólrík og yndisleg. Búin að eiga 2 frábæra daga með Drífu hér í góðu yfirlæti á Roskildevej hjá þeim Birni Hildi og Regínu. Sjoppað og tjillað, og gærkvöldinu var eytt í Tívólí, dinner, big-band og læti. Náði m.a.s. að plata Drífu í tívolítæki :D:D

Núna var ég að koma inn úr hjólatúr. Lagði af stað ein á hjólinu hennar Regínu, fann hér fallegt vatn 2 mín frá og lagðist þar flöt í sólbað. Settist síðan kokhraust á hjólið aftur og ...well..rammvilltist. Komst þó að lokum heim og hafði þá hjólað einhvern heillangan hring og var bara allt í einu stödd fyrir utan 'heima hjá mér' :) Þetta er snilldin ein, dísan er að fíla þessa hjólamenningu í botn. Nú skal lagt af stað á fund Dr. Sunnu en við eigum lítið date á Nörreport. Sunna skvís ætlar að rífa sig frá ritgerðarsmíðum og fá sér smá hressingu með dísunni. Þannig núna er það bara bus nummer 6A til Nörreport station. (maður er að verða þannig sleipur í dönskunni).

Síðdegis á morgun verður síðan lagt í hann til Búdapest. Næst á dagskrá er því endurlífgun á Kötlu (nýskriðinni úr prófum), sólbað og skálar, Belgrad og læti.:) Næsta rapport frá Hungary.

Kaupmannahöfn-Búdapest-Belgrad leiðangurinn er nú rétt handan við hornið. Jeij! Reisan loksins orðin temmilega skotheld - en samt ekki um of. Getum sagt sem svo að ferðalagið hafi hæfilegan ævintýra-slaka :)

Get ekki beðið!

Það er fátt meira hressandi en að sofa yfir sig. Drepa snoozið og hrökkva upp með andfælum - alltof seint. Eftir það er dagurinn svolítið dæmdur.

Því sit ég hér með þrýsting í höfðinu og hjartslátt í eyrunum og reyni að lepja í mig líf - með kaffi. Og blogga. Það er hvort eð er óravegur í það að eitthvað vitrænt eigi sér stað hér.

Ég hef ákveðið að drekka þrjá kaffibolla fyrir hádegi. Ef það dugir ekki enda ég sjálfsagt í því að gæðaprófa framleiðsluna - for real.
Enda möst að hrista af sér doðann, þar sem dísan ætlar að vera með hressasta móti í kvöld. Ætla með Drífz, Sólz og Ingunnz í dinner og heiðra svo litla afmælisstelpu um kvöldið. jeij!

Eðalkvendið Jarþrúður Ásmundsdóttir er nefnilega þrítug í dag! Hamó!

Stundum fæ ég yfirþyrmandi þrá í barnæskuna og heimþrá í fjörðinn minn Seyðisfjörð. Í dag er þannig dagur.

Ég trúi ekki að ég hafi gleymt að monta mig hér. Sei sei, ég sem er svo mikið fyrir mont.

Mont dagsins: IceWeb 2006, ráðstefnan og lokaverkefnið mitt fékk 9.5, hæstu gefnu einkunn!! Jeij fyrir mér og jeij fyrir hópi G: Borgari, Hróðnýju, Einari, Þorsteini og Vilborgu. vúhú.

06.06.06. Heimsendir?

Ætli það. Þó ljóst sé að í dag munu sem aðra daga heimar einhverra enda. Heimar í höfðinu á fólki.