Ég hef verið klukkuð. Hún Guðrún Birna klukkaði mig, og heimtar af mér upplýsingar - 5 useless atriði um sjálfa mig.

1) Mér finnst matur/drykkur ekki góður ef hann er of heitur eða of kaldur. Er algjör kettlingur gagnvart heitu og finnst ís bestur þegar hann hefur fengið eins og hálfa mínútu í örbylgjuofni.
2) Ég sef alltaf á maganum (þegar pláss gefst) með annan handlegginn undir koddanum og gagnstæðan fótlegg út undan mér. Tek pláss.
3) Ég er með fóbíu fyrir flugum. Mér finnst það mjög leiðinlegt, þar sem ég er frekar illa haldin. Að lenda inn í lokuðu rými með geitungi er mín versta martröð. Hef farið útúr strætó á miðri leið vegna slíkra aðstæðna. Ég er nb. öll að skána með árunum.
4) Mig hefur alltaf langað til að verða listakona. Grúska í tónlist og yrkja ljóð. En ég er einhvern veginn orðin líffræðingur. Stefnan er því að vera skapandi í frístundum.
5) Ég er óþægilega liðug í annarri öxlinni og get teygt hægri handlegg þannig um höfuð mitt að ég get kitlað handakrika sama handleggs. Sexý.

Svo þarf ég víst að klukka einhverja. Hmmm. Ég klukka Þóru Kristínu og Hörpu Hrönn.

LOL LOL LOL LOL

Fannz var að rifja upp með mér viðbjóðslega fyndið moment síðan á laugardaginn. Hún varð fyrri til að blogga það svo ég vísa á hana. Þetta er reyndar svona 100% ' you had to be there' sena en samt viðbjóðslega fyndin. Lítið gleður litla sál ;)

Enn mánudagur. Þó orðið ljóst að eigi skal í geðvonsku blogga:D

Það er engu að síður frábærlega therapeutiskt að leyfa þrumuskýinu að dandalast með í gegnum daginn og vera bara 'fúll á móti'. Brilliant - og búið.

Mánudagur. Fólk er fífl.

Það er nokkuð tíðindalaust af vígstöðvunum. Er bara ægilega upptekin eitthvað - og það er fínt.

Hversu flott er þetta?!!!!!! Þarna má sjá dísuna með glænýju Oakley rannsóknarstofugleraugun sín! Með styrk og det hele.

'You have just become part of a revolution in optical technology', segja þeir.

Jebb. Það er kúl að vera nörd.

If you snooze you loose?

Ég á dálítið erfitt með að vakna á morgnana og er að detta í vinnunni töluvert nærri níunni en áttunni-sem er svosem allt í lagi. Nema hvað að þá er ég auðvitað nær fimmunni þegar ég fer heim...og þá oftar en ekki ein eftir á labbinu.

Ég hef átt í ástarsambandi við snooze-takkann síðan á unglingsárum og nú er svo komið að það að snooza er einn af hápunktum dagsins. Ég snooza frá 6.45 til ca. 8.15 - oft lengur. Sem þýðir að ég er að rjúfa svefn á 9 mínútna í tæpa 2 tíma áður en ég drullast á fætur. Mér finnst það yndislegt. Þ.e. að geta sofnað aftur. Ég er semsagt að jafnaði að sofna svona 10 sinnum 'aftur'. Jæks.

Tvennt í stöðunni. Annað hvort að hætta þessu snooze rugli og stilla klukkuna á þannig tíma að maður hrökkvi upp með andfælum. Eða bara halda áfram að snooza. Einhver önnur ráð?? Do you snooze?

En kannski er þetta ekki vandamál. Á einhverjum tímpunkti í lífinu mun ég klárlega horfa til baka og hlæja að því þegar ég bjó ein og helsta vandamál tilverunnar var ástarsambandið við snooze takkann.

Mánudagur. Mandag. Montag. Monday. Hversu fínn? Er að vera viðbjóðslega hressa týpan í dag, þið vitið sem er alveg óþolandi hress í morgunsárið á mánudegi.

Byrjaði í skólanum á föstudaginn og er ferlega spennt. Þetta verður strembið og skemmtilegt. Eyddi síðan helginni í stefnumótunartímum og í tvenna fáránlega góða tónleika. Franz-arnir vinir mínir stóðu heldur betur fyrir sínu (hversu svalir!) , og síðan var það Gospelkór Reykjavíkur sem ásamt flottasta bandi á Íslandi náðu næstum því að koma mér í trúarlega vímu. Einhvers konar víma var það a.m.k. Meiriháttar tónleikar. Það er alveg skemmtilegast af öllu skemmtilegu að fara á góða tónleika- rokk, klassískt, djass, gospel - alveg sama. Ef þeir eru góðir, þá er eins og maður labbi út með litla gjöf - sem ég kann svo ekkert að lýsa nánar. En ég er viss um að þið skiljið hvað ég meina.

Well, komið nýtt sjónvarp og DVD komið í Hæðarselið. Halelúja. Nýr Ericsson hlaðinn. Silfrið bónað. Kom vetur. Kom.